ARTESANIA DO COIRO

venres, 3 de febreiro de 2017

Para Vigo me voy!!

Sen lugar a dúbidas esta canción e debe andar a dar voltas na cabeza do noso amigo Jim Linnell, alá por Venus, Texas(USA). E é que o premio Al Stohlman do ano 2002 vai visitar Vigo, para máis señas a EMAO, dentro de xusto un mes estaremos aprendendo de un dos grandes Maestros na nosa Escola.
O programa de actividades ainda non está pechado, pero xa sabemos que o lúns día 6 de marzo teremos unha demostración aberta ó público, con inscrición previa, e o martes día 7 teremos unha Master Class só para os alumnos da nosa especialidade.
Estade atentos a este blog para máis información. Para saber algo máis sobre Jim aquí vos deixo a súa paxina web http://www.elktracks.net/

Como adianto tamén tedes que saber que o vindeiro xoves 23 de marzo inauguraremos no Espazo EMAO unha nova exposición de Coiro.

luns, 30 de xaneiro de 2017

Comeza a conta atrás

O primeiro que debemos facer e pedir diculpas, xa que temos o blog un pouco abandonado, iso se debe a intensidade de este curso e a que ademáis agora estamos tamén en Instagram, e iso implca que temos menos tempo para divulgar neste blog.
O segundo é dicir que comeza a conta atrás para a gran sorpresa, estamos na EMAO, 2017 é un ano impar..... e ata aquí podemos ler
En Breve teredes máis información.

luns, 26 de setembro de 2016

Crónicas Firminianas, ELWATS 2016

Por segundo ano consecutivo tiven a oportunidade de asistir na localidade de Firminy(Francia) a un evento moi especial, ELWATS 2016 (European Leather Workers & Artist Trade Show), unha semana de Coiro, con asistentes de máis de 14 paises.
De Mércores a Sábado nas instalacións de Logis de Cordes tiveron lugar moi variados cursos de formación impartidos por Mestres de prestixio internacional coma Aurélie Avesque-Jouan, Jim Linnell, Kathy Flanagan, Robert Beard,Serge Volken,Michael Dale, Yves Lesire, Jean-Luc Parisot, Julie Pierce, Chris Andre, Wolfgang Fey e Fritz Riedl, sen dubida un plantel de primeiro nivel mundial.
O venres e o sábado en Le Firmament tivo lugar a feira e una pequena exposición. Na parte comercial foi interesante o aumento da presenza de marcas e obradoiros, dos que cabe destacar Tandy Leather, Leder Louis, Die-Ledermacher, Barry King, Bork & sons, CS Osborne, Curtisur, Herman Oak, Horse Shoe Brand Tool Company, Leather Crafters & Saddlers Journal, Leather Machine Company, Logis de Cordes, Pro Series Tools, Renia, Vulpinest e Weaver Leather.

Se dubidas un evento sen comparación en Europa, que crece exponencialmente, este ano con máis de 70 alumnos, e esperemos que para a sua vindeira edición siga así, medrando e conservando a súa esencia familiar.

Alí estaremos....