Dia do libro

Xa que o dia de hoxe se celebra o Dia internacional do Libro aproveitamos para celebrar este dia invitandovos á nosa Biblioteca, na que poderedes desfrutar da súa beleza e dunha gran cantidade de libros especializados sobre todo en Arte e os Oficios Tradicionais. Ademáis lembrovos que tedes á vosa disposición unha moi boa colección de libros educativos sobre o traballo do coiro e alguns patróns.
Non lle teñades medo ó idioma, xa que moitos están escritos en Inglés, como sempre digo unha boa ilustración axuda e moito a salvar as barreiras do idioma.
Feliz Dia do Libro a Todos!!

Comezo das vacacións

Hoxe é o último dia do trimestre, comezan as vacacións de Semana Santa e comezan con FESTA... como todos sabedes o pasado mércores 28 foi o día da Reconquista de Vigo, esta fin de semana se celebrará co tradicional Mercado polas rúas do Casco Vello con pasarrúas a partires das 10 da mañán.
O noso obradoiro terá varios representantes vendendo pezas de artesanía en coiro e máis, Duarte, Mipalanave, Mis Retales, e o debú da Casa da Tartaruga que venderán os seus produtos.
Moita Sorte e que o pasedes ben...

Rectificar é de sabios

Di o refrán que "rectificar é de sabios", pois ainda que non me considero un sabio rectifico. Esta semana analizamos na clase unha fotografia dunha sela de montar que pertenceu a Pancho Villa, que foi subastada a semana pasada, as comas en vez de os puntos me xogaron unha mala pasada, así que 750,000$ (interpretei 750,00) se transforma en 750.000$ case nada...
Gracias a que na clase de onte Sol buscou a nova en internet.
Así que ai queda iso... ¿Porque non nos poñeremos todos de acordo para un punto e unha coma sexan o mesmo aqui, en Arizona ou en Xapón?http://centaurodelnorte.com/silla-de-montar-de-francisco-villa-fue-subastada-en-718000-dolares/

Rectificado queda

Nova exposición no Espazo Emao



Foto de D. Antón Corral

Baixo o Título: “Artesanía, Música e Tradición. A Colección Antón Corral”esta tarde se inaugura no Espazo Emao(Sala de Exposicións da Escola) este traballo comisariado polos mestras da Escola: Federico Fernández, Carlos Corral, Ramón Casal e Xaime Rivas amosa a historia en duas zonas instrumentos musicais tradicionais recopilados por Antón Corral ao longo da súa carreira, e que hoxe forman parte da colección da Escola Municipal de Artes e Oficios; o outro espazo recolle a relación deste constructor pioneiro en Galicia, coa antiga Universidade Popular e coa Escola Municipal de Artes e Oficios de Vigo, e o seu legado.

Do 21 de marzo ao 4 de maio de 2012 de martes a venres laborables de 19 a 21 horas

Tarrañolas e castañolas que se poden ver na Exposición

Instrumentos de vento que se poden ver na Exposición

De volta ó Museo

http://www.artencordoba.com/MUSEOS/Museos-Cordoba-Arte-sobre-piel-obras.html

Esta tarde como complemento á clase complementaria de Historia do Traballo do Coiro asistiremos ó Museo de Pontevedra. O Obxectivo da visita é coñecer en primeira persoa as pezas que de coiro labrado (cadeiras, bancos, arcóns) e os seus Guadamecís.
O Guadamecí é unha técnica decorativa que ten unha gran importancia xa que durante os seculos XV, XVI e XVII supuxo a máxima expresión do traballo artístico do coiro en España, que se exportaba por todo o mundo. A técnica consiste no repuxado, dourado, policromado e ferreteado sobre pel de carneiro (badana). Xa vos contaremos máis...

Conclusións

Sei que ese mañán tardou un pouco máis do debido, pero xa chegou...

Tony Laier posando coas "lezna" que lle regalamos
 e o dossier sobra a historia da Escola

A viaxe de hai unha semana foi incrible, mereceu a pena totalmente, o comentaba o outro dia na clase, moitas veces cando xurde un curso ou unha actividade coma esta na que o desplazamento e o aloxamento poden representar unha dificultade a miña actitude sempre é a mesma, ainda que so aprendamos a enfiar unha agulla merece a pena, os nervios e o medos son normais, pero debemos acudir seguros.
Tony Laier é o director do departamento de Investigación e Desenvolvemento da compañía Tandy Leather Factory, o que supón que se pasa o dia pensando no que nos gusta, o coiro, na sua casa de Colorado xunto coa súa muller Kay traballan en equipo desenrolando material didáctico, ferramentas e productos para facilitar o noso traballo. Así dito parece normal, pero ten un aliciente, rebosa o espiritú de Stohlman. Me contaba que cando Al intentou empezar a traballaro coiro nos Estados Unidos os atresáns non lle querían ensinar,  o que o frustrou un pouco, pero o motivou a investigar e acabar plublicando 32 libros para que ninguén tivera os mesmos problemas, e ensinando o oficio a moita xente, Tony Laier é un deles, que cumple co dito, ensinar, compartir, aprender...
Para mostra un exemplo, en todas as fotos que fun colgando, incluso nas das probas, se ve un marco branco o redor do coiro, cartón, xa que o traballo que fai Tony é fotografiado sempre porque lle pode servir para moito, pero el ademais explica que o fai seguindo un "mandamento" do obradoiro de Al e Ann, "Finesse in everything you do", delicadeza, finura en todo o que fagas.
Cando me despedín o volvín a invitar a Galicia, falandolle da Escola, das paisaxes Galegas e da nosa gastronomía, a sua resposta foi clara, algo así como deixame falalo coa miña muller.... así dende aquí seguiremoslle pregando ós Deuses do Coiro que un dia o Gran Tony Laier coas súa muller Kay se deixen caer por García Barbón 5.
Thank you Master an Friend.
Quero tamén agradecer o traballo a pasada fin de semana de outra persoa que sempre veredes o lado de Tony, o outro Tony ou PepeTony, de Florida, un empregado da compañía en este estado que fixo as veces de tradutor, e que en máis dunha ocasión nos aclarou moito ....

Tony Laier, Pepe Pereira e Pepe Tony de Florida
Amplia a imaxe e mira ben o Cinto de Tony Laier

Como non parou de repetir un dos asistentes á demostración do sábado: "Ozú que arte"

Resumo da viaxe II

Sábado:

Anaco de coiro de mostra de técnicas.

O dia comezou ben, como deberían comezar todos, café con leite e molete de xamón con tomate. A iso das nove e cuarto xa estaba na tenda para facer as últimas compras, troqueis, tintes, conchos... de todo un pouco. Cando remetei a compra Tony xa levaba un bo rato por alí e se me achegou, empezamos a falar e así estuvemos ata as dez e media que empezou a demostración, unha sorte incríble, falamos de todo, pero sobre todo de coiro contoume anécdotas de Paul Burnett, que se lembrades faleceu a semana pasada, tamén de Al e Ann Stohlman, os seus mentores neste oficio, dixo que Al, a pesar de ser un gran decorador do coiro non aceptaba unha peza como boa e puña o seguinte exemplo, si facía unha sela de montar moi ben decorada, con moitos detalles, pero que lle resultaba incomoda o xinete ou o cabalo non a daba por boa, é dicir que a decoración non era que iso, decoración, o máis importante era a funcionalidade e comodidade das pezas. O final da nosa conversa lle preguntei que consello vos daría, e dixo: "Un mestre cando que ensina unha materia di pratica, pratica, pratica, pratica, que quere dicir traballa, e o traballo se pode entender como unha obriga, eu digo, divírtete, e divertindote aprenderás"
Eu lle contestei que na clase ás veces vos digo xoga co coiro, ó que él contestou : "pois o meu consello para os teu alumno é ese, dilles que xoguen".

Mostra de estampado xeométrico

A demostración comezou ás dez e media, tocaba estampado, explicou os seus orixes históricos, que xa os exipcios o empregaban, e que ata a época dos Guadamecís españois se empregou, pero que estes xa comozarón a empregar pranchas para reducir o tempo de traballo, pero que co tempo se foi recuperando. O Estampado era segun él unha solución decorativa rapida para decorar unha superficie grande pero que últimamente se estaba traballando para sacarlle o máximo partido os troqueis, é dicir buscarlle novos usos. A este respecto dixo unha frase moi boa, "buscarlle novos usos a unha ferramenta é o que nos axuda a aforrar cartos", e penso que ten toda a razón.
Os estampados que explicou foron o xeométrico, o basketweave e o meander, nas fotos os podedes ver, primeiro facendo o estampado tradicional e a continuación co mesmo troquel ia facendo variacións. Incribles alguns resultados.
Mañán a despedida

Mostra dos troqueis individuais e algunha composición

Mostra de estampado xeométrico. Clásico der. Variacións esq

Aplicación evariacións do Meander

Aplicación do basketweave en Punta de frecha e Diamante

Aplicación tradicional do BasketWeave