Declaración de Intencións.

Como mestre da especialidade Artesania en Coiro da EMAO, gustariame aclarar que este blog é o blog da especialidade Artesanía en Coiro da Escola Municipal de Artes e Oficios do concello de Vigo, e como administrador de este espazo me gustaría que quedasen claras un par de cousas:

• Este blog ten como finalidade difundir o traballo que dende o obradoiro estamos a facer con respecto ó traballo do coiro, por tanto as entradas que imos publicando veñen relacionadas directamente con este tema.
• Poucas son as paxinas web ou blogs que en castelan ou en galego fan unha difusión do traballo que facemos e se comezamos a ampliar os temas que debe abarcar o blog , que leva pouco máis de seis meses funcionando, o obxectivo podería ser moi diferente o esperado.

Por tanto, me gustaría que os comentarios que se deixen aquí teñan relación ou ben coa entrada correspondente ou co tema principal do blog, xa que do contrario estariamos faltando o obxectivo pricipal do blog, facer del un espazo de expresión sobre o traballo do coiro . Por iso considero que este non é o lugar adecuado para facer determinados comentarios.

Moitas Grazas.

Pepe Pereira

¡¡¡Por fin chegou o dia!!!

O venres dia 28 de xaneiro ás 19.00 inaugurase o ESPAZO EMAO,é dicir, mañán. A inauguración será coa exposición "Proxecto Apertura", unha mostra do que facemos na Escola. Esperamos a túa visita.

Se non podes vir á inauguración podes visitala de martes a sabado de 19.00 a 21.00 e ata o dia 26 de marzo. Colgaremos algunha foto da sala para que te podas facer unha idea.

Merece a pena visitala.

¡¡Xa chegaron!! Quen vai ser, os Reis.

Hoxe é unha das datas que implica nervios, compras, presas e agasallos. Pois podo adiantarvos que as Suas Maxestades xa pasaron pola EMAO, e na aula de Artesania en Coiro deixaron un moi bo agasallo para os alumnos, que a partir do dia 10 poderan desfrutar.


Novas adquisicións da Biblioteca

 Pola Biblioteca do centro tamen pasaron e deixaron bastantes cousas, un surtido de libros, que na nosa especialidade son limitados, cun contido moi variado, técnicas, patróns, debuxos...
Prometemos que lles vamos a sacar moito partido.




 



Misterio do Belen do CEDRO

Esta tarde remata a exposición do Concurso de Belens de NovaCaixaGalicia, o gañador, como xa comentei hai uns dias e o presentado por CEDRO, aqui vos deixo unhas fotos para que vexades.                

 



Detalle do Belen do CEDRO

 Se trata dun Belen montado integramente en coiro, e as figuras son modeladas sobre  figuras de Xeso, ou eso parece, a verdade é que o traballo é incrible, todo, incluso as palmeiras estan feitas en coiro. Ampliade as imaxes e veredes.  Esperamos que os Reis se porten  moi ben con vos.

Panoramica

Masi detalle do misterio do Belen do CEDRO

Detalle dunha Casa



Bo Nadal!!!

Nestas datas tan sinaladas...dende o obradoiro de Artesanía do Coiro da EMAO queremos dexesarvos unhas Boas Festas e que o ano que entra sexa prospero para todos.
Tamen queremos aproveitar estas liñas para recomendarvos duas visitas nestes dias:
- Concurso de Belens de Nova Caixa Galicia, xa que o gañador foi CEDRO de Vigo por un Belen feito de Coiro, Noraboa dende aquí.
- Ofeitoman que se celebra estes dias no aparcadoriro da estación de Renfe.


BO NADAL E UNA FELIZ 2011!!!!!!

Elección- Selección

Con motivo da próxima exposición que se inaugurará proximamente na EMAO, dende o obradoiro de Artesanía en Coiro propuxemos a idea : O coiro como base para un elemento contedor decorativo. As pezas presentadas foron expostas e votadas durante a semana pasada na nosa aula e as máis votadas foron as seguintes:

45- Votos. Tibor. Eva Regina Campos Fernandez.

Perfeccionamento II.

Material: Pel de poldro, pel de porco, tireta de coiro e cartón.

Técnica empregada: Repuxado, tinguido e costuras decorativas.

41 Votos. Retaliños. Patricia Pérez Couñago
Perfeccionamento II
Material: Pel de poldro e metacrilato
Tecnica: Moldeado de pezas cosidas sobre un molde.

39 Votos. Caixa. Carmen Alvarez Portabales.
Aula Aberta.
Material: Pel de Poldro e madeira.
Técnica: Repuxado e moldeado sobre a caixa.

 37 Votos. Folla de Outono. Concepción Riobó García. Perfeccionamento II.
Material: Pel de poldro.
Técnica: Tinguido con varias cores para dar efectos, gravado e modelado en auga.









37 Votos. Cousa bonita, chico. Veronica Duarte Gonzalez.
Perfeccionamento II.
Material: Pel de poldro, tireta de coiro e arame.
Técnica: Cosido, tinguido e modelado con area. As flores son tinguidas e modeladas, o tronquiño vai trenzado con alma.









37 Votos. A Palloza. Gracia Ayuso Rodríguez.
Perfeccionamento II.
Material: Vaqueta en pasta, pel de poldro e pel de porco.
Técnica: As paredes son tinguidas e escarvadas, o tellado vai feito con tireta elaborada de pel de poldro e os interiores e a base van forrados coa pel de porco.

Hispania e o boom da recreación Histórica

A semana pasada Antena 3 estreou a serie "Hispania", na que se recrea a conquista da Peninsula Ibérica polo exercito romano. Ademáis de por ter unha productora da nosa terra recomendo con moito interese que polo menos se vexa un capitulo, xa que a ambientación considero que é moi boa, e nos axuda a darnos conta da importancia que o traballo do coirotivo o longo da historia. Os uniformes dos soldados romanos están moi logrados e nos amosan que sen a aplicación do coiro ós uniformes o que foi un imperio nos tería chegado a tanto.

Poboador íbero da serie de Tv

A lixeireza das armaduras de coiro á vez que a súa resistencia, a implantación do calzado (as famosas sandallias)e as numerosas correas que lle facian máis doado o transporte do equipo, fixeron de este exercito unha forza que era capaz de camiñar durante máis tempo, é de extenderse coi moita máis facilidade que outros exercitos anteriores que intentaron o mesmo.

Volvo a insistir, e recomendo totalmente polo menos ver un capitulo buscando obxectos de coiro, que van dende as armaduras, os brazaletes pasando polas selas de montar ou as tendas de campaña.

Xa que falo de este tema teño que recomendar a visita de duas páxinas de recreación histórica das que coñezo que son un claro exemplo de como o coiro serve para outras cousas cotiás que nos son nin bolsos nin carteiras pero ós que si se lle poden aplicar.

http://www.el-blindado-personal.blogspot.com/

http://almogavares.foros.ws/
Tratase de páxinas moi ben documentadas das que podemos sacar moitas ideas e técnicas de traballo o se  levan empregando moito tempo e que podemos aplicar no noso traballo.

Coiro e madeira, madeira e coiro.

As Pezas Gañadoras do certame.
http://www.oficioyarte.info/

 Recentemente a Diputación de A Coruña fixo públicos os gañadores do VIII Premios Antonio Fraguas Fraguas de artesanía. Os gañadores foron os pontevedreses Elena Ferro Lamela e Miguel Sánchez Iglesias nas categorías de Artesanía Contemporanea e Artesanía Tradicional respectivamente.

Elena Ferro, que é o caso que coñezo pertence a unha saga de artesans vinculados ó mundo do coiro, os zoqueiros. O traballo de Elena e un traballo que todos coñecemos, xa que nas numerosas feiras que hai na nosa terra é moi fácil de atopar o seu posto, e como ela di nunha recente entrevista non se pode vivir soamente dos zocos, e ten que elaborar tamen pezas de marroquinería e bixutería. Nesta mesma entravista no Diario de Poentevedra Elena dí que o reto que ten agora é traballar o Coiro nun torno para elaborar pezas decorativas como si de madeira se tratase. ¿Posible? ¿Imposible?


Mazos de Coiro da EMAO versión 1.0



Posible, na EMAO levamos un tempo intentando facelo, e xa temos algún resultado. coa colaboración de Carlos Corral, profesor de CAIM- Gaita, o que tanto lle dou a brasa, a finais de setembro elaboramos a primeira versión galega dos leather mauls americanos. A pimeira proba que xa estamos a mellorar foi elaborada con diferentes coiros de vaca, e hai algun que xa está desbotado porque dificulta bastante o traballo.

Outra opción moi pouco coñecida e que aporta moitas opción para a decoración de pezas é o "engastado" do coiro, parte de cor amarela. Pode ser considerada como a versión da talla en madeira aplicada ó Coiro. O unico segredo está en como unir as pezas para facer un bloque.

Visita http://www.selim.es/ e no apartado Bestiario observa os detalles das pezas, ¿de que material esta feito todo?

´Considero incrible os detalles da Tarataruga.